Da Oide sticht: Aff spin.de dan's etz schafkopfa

Da Oide sticht: Aff spin.de dans etz schafkopfa Regensburg (ots) - Hochdeutsche Fassung: http://www.spin-ag.de/presse/mitteilung005.html Besser wia Pokern / Griabad wia beim Huaber-Wirt / Und da vierte Mo is imma dabei Im Internet geht si etz a Schafkopf zam. Von da SPiN AG aus Regensburg giabts etz unter www.spin.de des erste Schafkopfa, wos so griabad is wie beim Huaba-Wirt. Des Beste is: Des Internet kennt koa Sperrstund und da vierte Mo is immer glei dabei - a wenns vielleicht a Zuagroaster is. Da kimmt ois zam: De Tradition und des Internet Wenz-Tout, Oilder, Sie und de Blau-Sau: So red ma beim Schafkopfa, und wer des net ko, fia den is des genauaso komisch wia da Royal-Flush beim Pokern. Statt Sunnabrillen und dem Poker-Gsicht brauchts beim Schafkopfa a gscheits Wirtshaus und an Stammtisch. Weils oba immer wenga vo beidn giabt, drama da Schmid Paul und da Rott Fabian vo da SPiN AG scho seit elf Johr von am gscheiten Schafkopfa im Internet. "Des soll obgenga wia im Wirtshaus, wemma mit de Spetzln spuilt - nur dass die Spetzln net am Disch sitzen miaßn", hod der Schmid Paul gmoant. Wia a jeder woaß, brauchts Vieri für an gscheidn Schafkopf. Und die kriagt ma im echten Lebn net so leicht beianander. Auf www.spin.de suachst da deine Mitspuila selba aus. Entweder mochst a Randevu mit de Spetzln aus oda du spuist halt a grad mit dene, dia eh schon doa san. "Mir hobm gmerkt, daß im echten Lebn oft koa Schafkopf mehr zamgeht, weil dLeit koa Zeit ham. Da oane muaß Baby-Sittn, de ander hot groad koa Audo und überhaupt gibts imma mehr Wirt, de wo des Schafkopfa nimma so gern seng", verzoillt da Rott Fabian. Wemma ummasunst mitspuiln mog, braucht ma an Computer und a Internet, und dann geht ma auf www.spin.de - des passt dann scho. Da Schmid Paul sogt: "Mir woilln, daß alle mitmacha kenna. Deshalb brauchst net ummanand dua, sondern kannst glei ofanga." Des mit dem Schafkopfa macha dLeit vo da SPiN AG a a wenig zwengst da Tradition. Weil: De junga Leit dan liaber am Computer spuiln und denga, daß des Pokern so griabad is, statt dass gscheit schafkopfa lerna dan. Es is a nix Neies, daß des Schafkopfa net bloß a Glücksspiel is wies Pokern. Na, ma braucht a weng a Hirnschmalz dafir. Und weils des oane Mal solo spuilst und des anda mal mit ebatz zam, is des Schafkopfa a Sach wia des echte Lebn. "Mir bringa Laptop und Lederhosn zamm, aber so, daß grad a so kracht", sogt da Schmid Paul, "Wenn im Wirtshaus und in da Stuabn nix mehr zamgeht, dann gehts ses hoilt im Internet wos aus." Wos eh grad auf spin.de san, kenna dLeit a glei no andere Sachn spuiln oder ratschn und diskutiern. Sogt da Rott Fabian: "Beim Schafkopfa derf niat gred wern, oba hinterher is des wichtigste der Nachtarock." Zwengst da SPiN AG De SPiN AG vo Regensburg macht und duad Internet-Communities. Weils des so guat macha und keanna, dans es a fia andere macha: Es kost nix und bringt an Haffa. 30 Leit arbeitn bei dene und die SPiN AG schloagt se scho seit 1996 net schlecht, weil: a Haffa Leit (1,2 Millionen Mitglieder) treibn se in dene Gsellschaftn im Internet ummanand. Brauchts a Buildl? http://www.spin-ag.de/presse/image/schafkopf.jpg http://www.spin-ag.de/presse/image/screenshot_01.jpg http://www.spin-ag.de/presse/image/screenshot_02.jpg Originaltext: SPiN AG

Das haben andere Besucher auf unserer Seite gesucht:


Diese Nachrichten haben andere Besucher auf unserer Seite besucht:
AOK-Institut bestätigt Mehrzahlungen der Privatversicherten qots: Fannie Mae: Einlösung Finanzmarktkrise: iddiw fordert einen ganzheitlichen ...